Një ngjarje tragjike ndodhi të mërkurën në Klinë, ku dy të rinj humbën jetën pas një sulmi me armë zjarri.

Policia ka arrestuar të dyshuarin, dhe ka konfiskuar armën e zjarrit, një karikator me katër fishekë dhe tri gëzhoja nga vendi i ngjarjes.

Trupat e pajetë janë dërguar në Institutin e Mjekësisë Ligjore për obduksion, ndërsa hetimet janë në vazhdim. I dyshuari është dërguar në mbajtje pas vendimit të prokurorit.

“Sheshi Mujë Krasniqi, Klinë 13.11.2024-17:17. Është arrestuar i dyshuari mashkull kosovar, pasi që i njëjti ka shtënë me armë zjarri në drejtim të dy viktimave meshkuj kosovarë. Si pasojë, njeri prej tyre ndërron jetë në vendin e ngjarjes, vdekjen e të cilit e konstaton ekipi mjekësor, ndërsa tjetri dërgohen në Spitalin e Pejës ku për shkak të plagëve të marra ndërron jetë. Në vendin e ngjarjes kanë dalë të gjitha njësitet përkatëse, arma e zjarrit me një karikator me katër fishekë dhe tri gëzhoja konfiskohen, ndërsa me vendim të prokurorit, trupat e pa jetë dërgohen në IML për obduksion, ndërsa i dyshuari dërgohet në mbajtje”, thuhet në raport./Arbresh.info