Ministri në detyrë i Punëve të Bre4ndshme, Xhelal Sveçla ka bërë të ditur se është vendosur gurthemeli i stacionit të ri të Policisë së Kosovës në Zubin Potok.

Me anë të një postimi në Facebook, Sveçla theksoi se ky stacion do të jetë burim i sigurisë e adresë e raportimit për të gjithë qytetarët pa dallim, transmeton Arbresh.info.

“Sot, hodhëm gurthemelin e stacionit të ri të Policisë së Kosovës në Zubin Potok. Ky stacion modern do të jetë infrastrukturë e nevojshme për pjesëtarët e Policisë sonë dhe burim i sigurisë e adresë e raportimit për të gjithë qytetarët pa dallim”, ka shkruar ai.

“Sigurisë më të lartë po ia shtojmë edhe infrastrukturën më të mirë. Mbetemi të përkushtuar në ruajtjen e sigurisë së qytetarëve, qetësisë publike e, pa dyshim, edhe sovranitetit e integritetit territorial të vendit tonë”, tha Sveçla./Arbresh.info