Kandidati francez për President, Francois Fillon, përveç gruas ‘punësoi’ edhe dy fëmijët e tij, që paguheshin në vlerë të gati 1 milion eurove, shkruan gazeta Canard Enchaine.

Gruaja e Fillon, Penelope, ishte paguar në vletë të 900 mijë eurove në punën e saj si ndihmëse e parlamentit dhe si redaktore në një shtëpi botuese të një mikut të Fillon, ndërsa të dy fëmijët e tij ishin punësuar si asistentë parlamentarë, duke fituar rreth 84 mijë euro në vit, thuhet në raportin e dyshuar, transmeton arbresh.info.

Fillon për një kohë të gjatë ka qenë një ndër kandidatët më  favoritë në Francë, por menjëherë pas publikimit të raportit nga gazeta franceze, mbështetja e tij ka rënë dukshëm.

Sipas një sondazhi të fundit, favoritja për zgjedhjet presidenciale në Francë është Marine Le Pen, e cila konsiderohet si ‘një rrezik për bllokun e BE-së’ për shkak të politikave të saj anti-emigracion dhe anti-BE./Arbresh.info