Presidenti i Kosovës Hashim Thaçi u ka bërë ftesë të gjitha partive politike dhe shoqërisë civile për të punuar bashkë për të përmbyllur procesin e bisedimeve.

Këto deklarata i bëri ai në një konferencë për media të thirrur në presidencë, shkruan portali arbresh.info.

Ai ka përmendur edhe anëtarësimin e Kosovës në shumë organizata, por edhe ka sfidat me të cilat po përballet shteti.

“Të punojmë të gjithë dhe të përmbyllim këtë proces dhe të normalizojmë marrëdhëniet Kosovë-Serbi dhe kjo do të hapte perspektiven për Kosovën, por edhe për Serbinë. Ne së bashku me partnerët arritëm në këtë fazë ku jemi dhe jemi njohur nga 116 shtete të botës dhe jemi anëtarësuar në shumë organizatat por kjo nuk është e mjaftueshme, sepse po ballafaqohemi edhe me shumë sfida. Të gjithë  jemi të vetëdijshëm se stabiliteti i plotë i Kosovës është i lidhur me anëtarësimin në OKB ,NATO dhe në institucione tjera. Kosova do të jetë shtet i qëndrueshëm vetëm kur të jetë anëtare e OKB, NAOT-s e të tjerave. Duhet të jemi të vetëdijshëm se këto qëllime nuk mund t’i arrijmë pa ndërtuar një fqinjësi të mirë me të gjithë, e edhe me Serbinë e që nënkupton me arritje të marrëveshjes apo njohje reciproke”, u shpreh ai./Arbresh.info/