Tahiri pyet BE-në: A do t’i vendosni sanksione Serbisë për vizitën e Vuçiqit në Moskë?

12:39 | 24 Maj 2025
E.K

Ish-kryenegociatorja e Kosovës, Edita Tahiri, ka reaguar pas lajmit për heqjen graduale të masave të Bashkimit Evropian ndaj Kosovës.

Ajo ka ngritur pyetjen nëse BE-ja po fillon t’i vendosë sanksione Serbisë për vizitën e presidentit Vuçiq në Moskë, e cila shkon në kundërshtim me politikën e jashtme të BE-së.

Tahiri thekson se derisa Bashkimi Evropian vazhdon të veprojë me dy standarde, nuk mund të pritet as përfundimi i dialogut në Bruksel

“BE ka nisur t’ia heq sanksionet gradualisht Kosovës – por a ka filluar t’i vejë sanksione Serbisë për shkuarjen e Vuçiqit në Moskë në kundërshtim me politikat e jashtme të BE-së. Derisa vepron me dy standarde BE, nuk mund të presim as përfundimin e Dialogut të Brukselit dhe as një paqe dhe siguri stabile në Ballkan”, ka shkruar Tahiri./Arbresh.info