Stop, po kalon kryeministri! (Foto)

11:54 | 19 Tetor 2015
M. A.

Kryeministri i vendit, Isa Mustafa, ka rritur dukshëm sigurinë e tij. Sot nga mëngjesi kur ai është nisur nga shtëpia e tij për në zyre, masat e sigurisë kanë qenë të mëdha, e të tilla vazhdojnë të jenë kudo që ai lëviz.

Nga zyra e kryeministrit, në ndërtesën e vjetër të qeverisë, për në ndërtesën e re, pak minuta më parë fotoreporteri ynë ka fotografuar masat e sigurisë që përcjellin eskortën e makinave të kryeministrit.Nuk ka ndonjë raportim për kërcënim ndaj të parit të qeverisë.

Përndryshe në agjendën e kryeministrit sot janë paraparë disa takime, dhe më interesanti del të jetë ai i orës 14:30, ku të ftuarit e tij do të jenë kryetarët e komunave. Nëse atje do të marrin pjesë Shpend Ahmeti dhe të tjerë kryetarë komunash që vijnë nga partitë opozitare, mbetet të shihet.