Serbia: Kosova do ta ketë të vështirë të pranohet në UNESCO

10:52 | 15 Shkurt 2017
Arbresh.info

Prishtina nëse vendos që të kandidojë për anëtarësimin e Kosovës në UNESCO do të mund ta bëjë këtë në vjeshtë pas kalimit të afatit për sesionin e prillit, ka thënë ambasadori serb në UNESCO, Darko Tanaskoviq, transmeton portali arbresh.info.

Ai ka thënë se pala e Prishtinës do ta ketë të vështirë të fitojë votat e duhura.

“Përveç kësaj në jemi anëtar, deri tani kemi 29 vende që e kanë njohur Kosovën, por ne kemi të njëjtin numër të shteteve që nuk e kanë njohur Kosovën brenda Këshillit Ekzekutiv. Por edhe nëse i marrin votat në këtë Këshill, vendimi do të shkojë në Konferencën e Përgjithshme ku duhen dy të tretat e votave, e që nuk do të jetë e lehtë”, ka thënë Tanaskoviq për RTS.

Vitin e shkuar Republika e Kosovës nuk arriti të anëtarësohet në UNESCO për tri vota./Arbresh.info