Sindikata e Bashkuar e Arsimit, Shkencës dhe Kulturës e Kosovës (SBASHK) ka uruar Sindikatën e Policisë së Kosovës në 24 vjetorit të themelimit të Policisë.

Me anë të këtij urimi, SBASHK thotë se krenaria është më e madhe te punëtorët e arsimit, që që nga çerdhet e deri në univeristete, sepse siç u shprehen ata “dikur këto vasha e këta djem ishin nxënësit tonë”, shkruan Arbresh.info.

“Policia e Kosovës krenare me arritjet e shumta në shërbim të qytetarëve e atdheut sot  festoi ditëlindjen e 24. SBASHK në këtë datë të shënuar uron Sindikatën e Policisë  dhe shpreh respekt të lartë e meritor për  bijtë e bijat e Kosovës, që me angazhime e përkushtim shëmbullor na bën të ndjehemi krenar me policinë tonë. Kjo krenari është ende e më e madhe te ne punëtorët e arsimit, që nga çerdhet e deri në univeristete, sepse dikur këto vasha e këta djem ishin nxënësit tonë dhe na bëhet zemra mal kur shohim gjithë këto arritje të tyre në përballje me sfidat e detyrat aspak të lehta.”, ka shkruar SBASHK.

Tutje, në urim SBASHK thotë se kryeminsitri, Albin Kurti dhe ministri, Xhelal Sveçla është dashur t’i gëzojnëme vendimin që po realizohen kërkesat e tyre.

“SBASHK kujton Kryeministrin Kurti dhe ministrin Sfeçla se sot bashkë me fjalët e mira është dashur t’i gëzojnë edhe me vendimin që po realizohen kërkesat e tyre legjitime, që janë bërë sa e sa herë publike nga sindikata e tyre e që kanë pasur gjithmonë  mbështetetjen e SBASHK-ut.”, thuhet në urim.

Tuje ata shprehën mbështetje për kërkesat e Policisë së Kosovës.

“Polici e Kosovës  SBASHK krenohet me ju dhe do të vazhdojë kudo na jepet mundësia të mbështesim kërkesat tuaja legjitime duke kërkuar që ato të realizohen.”, thuhet në urimin e SBASHK-ut./Arbresh.info