Komisioni Evropian, ka publikuar dokumentin e strategjisë së zgjerimit dhe raportet për shtetet e Ballkanit Perëndimor.

Në raportin për Kosovën, thuhet se është bërë progres i vogël në fushën e sundimit të ligjit dhe luftimin e korrupsionit, shkruan arbresh.info.

Kosova është në fazën e hershme të zhvillimi të sistemit të mirëfilltë juridik, thuhet në këtë raport.

Kurse për rekomandimet e vitit të shkuar të Komisionit Evropian në këtë fushë thuhet se janë adaptuar , ndërsa përmendet edhe ndikimi politik në sistemin gjyqësor.

Në raport ceket rasti i mashtrimit me skemat e pensioneve të veteranëve të luftës

“Administrata e gjyqësorit mbetet e ngadalshme dhe jo efikase dhe institucionet e sundimit të ligjit kanë nevojë për përpjekje të qëndrueshme për të ndërtuar kapacitetet e tyre”, thuhet në raport.

Rekomandimi i KE-së për këtë fushë është forcimi i kapacitetit të gjyqtarëve, prokurorëve dhe stadit mbështetës, implementimi i ligjit të ri për detyrim disiplinor të gjyqtarëve dhe prokurorëve për të forcuar llogaridhënien.

Politika e brendshme në Kosovë mbeti e polarizuar shumë gjatë periudhës raportuese. Kuvendi ishte më aktiv në legjislacionin e BE-së, por dobësitë mbetën në funksionimin e saj të tepërt. Kosova ka bërë përparim të konsiderueshëm në disa reforma kyçe të lidhura me BE, për shembull në drejtim të përmirësimit të kuadrit ligjor në fushat e sundimit të ligjit dhe të administratës publike. Megjithatë, autoritetet morën një numër vendimesh që nuk janë në përputhje qëllimet e deklaruara të qeverisë për reformën, thuhet në raport./Arbresh.info/