Kryeministri i Shqipërisë, Edi Rama ka thënë se do të ketë ndihma ekonomike për familjet që kanë 3 fëmijë nën moshën 18 vjeç.

Kryeministri këtë njoftim e ka bërë përmes një postimi në ‘facebook’, ku tha se këto ndihma do t’i përfitojnë 15 mijë familje, shkruan arbresh.info

“Dyfishojmë ndihmën sociale për familjet me 3 fëmijë dhe e rrisim me 10% për të tjerat. Ligjërojmë me këtë buxhet pagën prej 30 mijë lekësh në muaj për naftëtarët e fierit për gjithë vitin 2022. Financojmë me 2.6 mlrd indeksimin e pensioneve, si edhe bonusin e fundvitit për pensionistët. Financojmë vijimin e vaksinimit. Duhet më shumë durim për Reformën në Drejtësi”, ka thënë më herët Rama në Kuvend.