Qeveria serbe organizatore e ardhjes së trenit – Gjuric thotë se Kosova është Serbi

14:18 | 14 Janar 2017
M. A.

Shefi i Zyrës për Kosovën në Beograd, Marko Gjuriq ishte zënë keq nga mediat kur u pyet për mbishkrimin provokues në tren “Kosova është Serbi” në të gjitha gjuhët, ai tha se nuk ka asgjë të keqe, duke thënë edhe vetë

Faqja e Qeverisë serbe, tregon për mbarëvajtjen e këtij projekti të tyre, të financuar nga Rusia me një kosto prej 18,000 euro.

“Nga 20 janari deri më 26 shkurt do të jetë vetëm linjë promovuese, më pas do të lëshohet për linjë të rregullt”, shkruan Qeveria serbe.

Në uebfaqen e Qeverisë së Serbisë thuhet se kjo linjë e trenit do të bëhet e rregullt, edhe pse fillimisht është nisë të jetë si promovuese e vlerave.

“Kosova është Serbi”, ka thënë Gjuriq duke shtuar se nuk ka asgjë të keqe të shkruar në këtë tren.

Treni, pos që është i mbuluar me ngjyrat e flamurit serb, në brendësinë e tij ka emra të kishave serbe, manastireve, qytete të vjetra si dhe fjalinë “Kosova është Serbi” në 21 gjuhë, duke përfshirë edhe në gjuhën shqipe.