Policia e Kosovës nuk po mund të furnizohet me klima. Edhe pse ka publikuar tenderin për  furnizim me klima mobile, ende nuk është bërë me to. Kjo pasi i është anuluar tenderi, me arsyetimin se tenderuesi thuhet se përmban çmime që e kalojnë buxhetin.

“Një dispozitë në Ligjin e Prokurimit Publik kërkon anulimin e aktivitetit të prokurimit. Tenderuesi i përgjegjshëm përmbanë çmime të cilat në mase substanciale e tejkalonë    buxhetin e autoritetit kontraktues për aktivitetin e prokurimit.”, thuhet në njoftimin e publikuar në faqen e Komisionit Rregullativ të Prokurimit Publik, shkruan Indeksonline.

Artikullin me të cilin kanë vendosur të furnizohen Policia thuhet të jetë “Furnizim me klima mobile me gas ekologjik”.

Janë bërë gati nëntë muaj, që prej se Policia ka publikuar këtë tender, shkruan Indeksonline. Derisa njoftimi për anulimin e saj thuhet se është marrë me 20 tetor të këtij muaji.

Në garë  për tender bëhet e ditur se kanë qenë dy kompani.