Po vazhdon ende përplasja në mbledhjen e Këshillit  Qendror të Zgjedhjeve.

Problem në këtë mbledhje po vazhdon të mbetet votimi i listave të kandidatëve në zgjedhjet e 14 shkurtit, raporton portali arbresh.info

Kryetarja e KQZ-së, Valdete Daka, ka thënë se rekomandimi i zyrës për certifikim të partive politike dhe kandidatëve do të vendoset në votim, megjithatë ajo ka thënë se do të votojnë për secilën parti veç e veç.

Sipas saj KQZ-ja asnjëherë nuk ka votuar në paketë.

“Do të votojmë për secilën listë veç e veç. Rekomandimin e kemi dhe do të votojmë për secilën parti”, ka thënë Daka.

Një gjë e tillë po kundërshtohet nga dy përfaqësuesit e Lëvizjes Vetëvendosje, Sami Kurteshi dhe Alim Rama.Kurteshi madje ka drejtuar akuza për përfaqësuesin e LDK’së për presion tek zyra për certifikim./arbresh.info/