Zëvendëskryeministri dhe Ministri i Punëve të Brendshme Behgjet Pacolli është duke qëndrua në një vizitë punë në Mynih të Gjermanisë.

Pacolli mëngjesin e sotëm është takuar me ish sekretaren amerikane të shtetit Madelaine Albright dhe është shprehur i emocionuar nga ky takim.

Përmes një postimi në Facebook Pacolli ka thënë se e ka ftuar sekretaren Albright që të vizitojë Kosovën.

“Takimi me ish sekretaren amerikane të shtetit Madeleine Albright gjithmonë është emocional dhe i frytshëm.

Vendosmëria dhe këmbëngulja e sekretares Albright për ti dalë në krah popullit të Kosovës e bën atë pjesë të rëndësishme të historisë së Kosovës.

Sekretaren Albright e ftova që të vizitoje Kosovën, vendin që e nderon dhe e vlereson maksimalisht atë”, ka shkrau Pacolli në Facebook./Arbresh.info/