Kuvendi ka njoftuar se sot, në orën 10:00, do të vazhdojë seanca konstituive. Deputetët do të bëjnë përpjekjen e pesëmbëdhjetë për konstituimin e legjislativit të ri.

Të dielën është mbajtur seanca e 14-të me qëllim konstituimi, por as ajo nuk përfundoi me sukses.

Kryesuesi Avni Dehari përsëriti kërkesën ndaj subjekteve politike që ende nuk kanë propozuar përfaqësuesit e tyre për anëtarë të Komisionit Zgjedhor për zgjedhjen e kryetarit të Kuvendit, që ta bëjnë këtë. Megjithatë, as kësaj radhe nuk pati propozime të reja.

Pavarësisht kësaj, përbërja e komisionit me anëtarët e propozuar në vazhdimet e kaluara të seancës u hodh në votim. Kryesuesi i seancës konstituive konstatoi se pro votuan 54 deputetë, ndërsa nuk pati vota kundër apo abstenime./Arbresh.info