Një 37 vjeçare është gjetur e vdekur në rrugë në afërsi të Fakultetit Teknik në Prishtinë.

Këtë e ka konfirmuar për arbresh.info, zëdhënësja e policisë për rajonin e Prishtinës, Flora Ahmeti.

Ajo thotë se rasti ka ndodhur rreth orës 14:00 dhe se viktima është një grua e moshës rreth 37 vjeçare.

“Rreth orës 14:00, kemi pranuar informatën për një person pa shenja jete, në afërsi të Fakultetit Teknik në Prishtinë. Policia menjëherë ka dalë në vendin e ngjarjes si dhe mjekët emergjent të cilët kanë konstatuar vdekjen e viktimës, femër, rreth 37 vjeç”.

Policia ka nisur hetimet për zbardhjen e rastit.

“Aktualisht policia me kujdes të shtuar ka nisur një hetim për rastin si vdekje e dyshimtë dhe po ndërmerr të gjitha veprimet e duhura hetimore dhe ato forenzike – të ekzaminimit, që do të ndihmonin hetimin e ngjarjes si dhe sqarimin dhe ndriçimin e plotë të rastit”, ka thënë Ahmeti./arbresh.info/