Nesër lansohet thirrja publike për përkrahjen financiare të NMVM-ve në sektorin e Industrisë Kreative

15:01 | 4 Gusht 2025
E.G

Agjencia për Investime dhe Përkrahjen e Ndërmarrjeve në Kosovë (KIESA), në kuadër të Ministrisë së Industrisë, Ndërmarrësisë dhe Tregtisë (MINT) do të mbajë konferencë për media me rastin e lansimit të thirrjes publike për përkrahjen financiare të NMVM-ve në sektorin e Industrisë Kreative.

Konferenca do të mbahet në ora 14:00, shkruan Arbresh.info.

Sipas njoftimit, kjo skemë është zhvilluar në kuadër të bashkëfinancimit ndërmjet MINT përmes KIESA-s dhe Qeverisë së Dukatit të Madh të Luksemburgut, e cila do të zbatohet në bashkëpunim me UNDP.

“Përmes kësaj skeme synohet fuqizimi i ndërmarrjeve në sektorin e Industrisë Kreative, me një buxhet total prej 1,000,000.00 euro.”, thuhet në njoftim./Arbresh.info/