Kanë kaluar tre muaj që nga zgjedhjet e 9 shkurtit, por Kosova ende nuk ka arritur të formojë institucionet e reja. Kuvendi nuk ka arritur të konstituohet pas 15 përpjekjesh, dhe kjo po shkakton probleme serioze në funksionimin e shtetit.

Për të gjetur një zgjidhje, Presidentja Vjosa Osmani ka thirrur sot një takim me liderët e partive parlamentare. Takimi do të mbahet në orën 13:00 në Presidencë, dhe pjesëmarrjen e kanë konfirmuar Albin Kurti (LVV), Memli Krasniqi (PDK), Lumir Abdixhiku (LDK) dhe Ramush Haradinaj (AAK).

Nga ora 15:00, presidentja do të takohet edhe me përfaqësuesit e subjekteve të komuniteteve joshumicë, për të diskutuar po ashtu mbi ngërçin institucional.

Ndërkohë, Kuvendi do të mbajë sot përpjekjen e 16-të për konstituim, me seancën që nis në orën 10:30. Deri më tani, mungesa e marrëveshjes mes partive ka penguar formimin e institucioneve./Arbresh.info