Ministri i Financave, Punës dhe Transfereve Hekuran Murati, ka mbajtur konferencë për medie rreth çështjes së energjisë elektrike.

Ai thotë se qytetarët duhet të kursejnë, që të mos ketë importim të lartë të rrymës, me çmim të shtrenjtë.

”Kemi dasht që t’i nxisim qytetarët që të shfrytëzojnë energjinë elektrike gjatë natës, në mënyrë që të zvogëlohet nevoja për import. Importi është aq i shtrenjtë sa që është tepër e dhimbshme të paguhet. Çdo kilowat që kursehet është para më tepër që mbesin në ekonominë e vendit. Po na kushton shumë shtrenjtë për me u importu. Për ne më mirë është që paratë të mbesin tek qytetarët tanë, sesa të shkojnë në Hungari apo kudo që blihet energjia elektrike. Masa ka të bëjë me faktin që kushdo që arrin ta ulë konsumin në raport me muajin e njëjtë të vitit paraprak, proporcionalisht madje dhe mbi proporcionalisht të subvencionohet”, thotë Murati./arbresh.info/