Ministria e Tregtisë dhe Industrisë ka paditur ish-ministrin Bajram Hasanin, i cili sa ishte në krye të MTI-së, nuk i kishte kthyer mjetet e marra paradhënie nga arka e Ministrisë në shumën prej 2.323 euro, gjatë vitit të kaluar.

Në dokumentin që ka siguruar lajmi.net, kuptohet se MTI-ja ka kërkuar nga Avokati i Përgjithshëm i Avokaturës Shtetërore, Sami Istrefi që të nis procedurat e inicimit të padisë.

Kjo kërkesë sipas MTI-së bazohet në nenin 67 të ligjit Nr.03/L-48 për Menaxhimin financave publike dhe nenin 24 të ligjit nr. 03/L-22 për ndryshimin dhe plotësimin e ligjit për menaxhimin e këtyre financave.

“Në bazë të udhëzimit Administrativ nr.MSHP 2004/07 për udhëtimet zyrtare kërkojmë këtë inicim të padisë”, thuhet në dokumentin e Ministrisë së Tregtisë dhe Industrisë.

Këto keqpërdorime kishin ndodhur nga vetë ish-ministri i Tregtisë dhe Industrisë, Bajram Hasani.

Lidhur me inicimin e padisë janë këto dokumente-dëshmi:

-Kërkesën e vazhdueshme me telefon nga MTI për z.Bajram Hasani për kthimin e mjeteve të marra;

-Kërkesën për paradhënie e datës 14.05.2018 në shumë prej 1.925.05 euro si dhe dëshminë e dorëzimit të shumës

-Kërkesën për paradhënie e datës 13.08.2018 në shumë prej 370.50 euro si dhe dëshminë e dorëzimit të shumës.

Ish-ministri Bajram Hasani, kishte qëndruar një javë në SHBA, në Hotele si ‘Arlington Holiday Inn Key Bridge’ dhe ‘Toëson Sheraton Baltimore’. /Lajmi.net/