Moti për javën e parë të vitit 2018

15:39 | 31 Dhjetor 2017
Arbresh.info

Instituti Hidrometeorologjik i Kosovës ka njoftuar se java e parë e vitit 2018 do të jetë me mot të ndryshueshëm.

“Vendi ynë do të jetë nën ndikimin e masave të ajrit me presion të ndryshueshëm atmosferik, në këto kushte do të mbajë mot i vranët dhe me intervale me diell, vranësirat vende-vende do të shoqërohen me reshje të dobëta shiu, kurse në vise të larta reshjet e shiut do të jenë të përziera me borë .Temperaturat minimale do të lëvizin ndërmjet -3 deri 1gradë Celsius, ndërsa maksimalet e ditës parashihet të lëvizin ndërmjet 3-10 gradë Celsius”, bën të ditur IHK-ja.

Dita e hënë ( 1 janar 2018) parashihet të jetë më e nxehta, kurse e enjëta më e ftohta.

Do të fryjë erë kryesisht nga juglindja me shpejtësi 1-7m/s. /arbresh.info/