Ministri i Punëve të Brendshme, Skender Hyseni vizitoi sot komunën e Skenderajt, Drenasit dhe Malishevës.

Gjatë vizitës së këtyre komunave të siguruara, aty u vlerësua se siguria është në gjendje shumë të mirë dhe se ka trend të rënies së veprave të ndryshme kriminale.

Ndërsa fillimisht ministri Hyseni, u takua me nënkryetarin e komunës së Skënderajt, z. Fadil Nura dhe Këshillin Komunal për Siguri në Bashkësi, transmeton Klan Kosova.

Ai në këtë takim shtoi se:

‘’Ne duhet që bashkërisht të përpiqemi që të gjejmë mënyrën më efikase për përcjelljen e mesazhit për tolerancë fetare kundër ekstremizmit të dhunshëm dhe tendencat për manipulimin e qytetarëve që shtyjnë në ekstremizëm të dhunshëm dhe terrorizëm’’.

Kështu gjatë këtij takimi Ministri i Punëve të Brendshme, bëri të ditur se vizita e tij është me qëllim që të japë mesazh në parandalimin e dukurive negative që mund të godasin shoqërinë.