Ministri i Punëve të Brendshme, Skender Hyseni, priti në takim Cari Enav, drejtoreshë e Byrosë për çështje ndërkombëtare të narkotikëve dhe zbatim të ligjit për Evropë dhe Azi.

Në këtë takim u bisedua lidhur me trafikimin e narkotikëve në Republikën e Kosovës dhe luftimin e kësaj dukurie nga organet e rendit.

Me këtë rast ministri Hyseni i bëri të ditur znj. Enav të arriturat e Policisë së Kosovës në luftimin e kësaj dukurie negative dhe theksoi se Ministria e Punëve të Brendshme është e përkushtuar që në kuadër të luftimit të krimit në përgjithësi, një ndër prioritet që ka është edhe luftimi i trafikimit me narkotikë.

Ndërsa znj. Enav ofroi mbështetjen për institucionet e Republikës së Kosovës në luftimin e trafikimit të narkotikëve dhe avancimit të më tejmë të drejtorisëanti-trafikim në Policinë e Kosovës.