Shërbimi Spitalor Klinik dhe Universitar i Kosovës ka njoftuar se gjatë vitit 2024, mbi 4 mijë e 500 pacientë janë operuar në QKUK.

Sipas SHSKUK-së, ky numër është rritur për 500, krahasuar me vitin paraprak.

“Rritja e numrit të operacioneve dhe performancës është bërë falë investimeve që janë bërë nga Ministria e Shëndetësisë dhe ShSKUK, qoftë në investimet në infrastrukturë, poashtu edhe në resurse humane dhe pajisje mjekësore. Në këtë klinikë janë kryer edhe mbi 45 mijë vizita ambulantore specialistike dhe sub-specialistike në profile të ndryshme oftalmologjike”, thuhet në njoftimin për media.

Tutje thuhet se, në këtë klinikë është rritur edhe gama dhe llojet e operacioneve, përfshirë edhe ato më të komplikuara, që ka mundësuar që referimet për trajtim jashtë vendit të ulen dukshëm./Arbresh.info/