Ish ministri i Shëndetësisë, njëherit deputeti i Lidhjes Demokratike të Kosovës, Armend Zemaj ka reaguar pasi Kuvendi i Kosovës zyrtarisht shkoi në pushim.

Zemaj ka thënë se për muaj të tërë Kuvendi është jo funksional e kjo, sipas tij si pasoj e një degradimi politik e institucional nga pushteti i Lëvizjes Vetëvendosje.

“Qeveria e Albin Kurtit dhe shumica parlamentare e VV-së vendin e kanë futur në një cikel të mprapsht, që nuk po i gjendet askund filli”, shkruan deputeti në Facebook, shkruan Arbresh.info

Ish ministri shkruan se si çdo temë tjetër e pushtetit populist edhe shëndetësia po përjeton kaos organizativ.

“Agjenda legjislative komplet e dështuar, ligji për sigurime shëndetësore, ligji për shëndetësi, ligji për shëndetin riprodhues, lista e çmimeve të barnave, sistemi informativ shëndetësor; që të gjitha mashtrim e dështim. Mashtrimi nga njëri sesion në tjetrin; katër vite qeverisje – katër vite mashtrim.

Sipas Zemajt, nga populizmi erdhi ky pushtet mashtrues, e nga ta katër vite ikën kot, perspektiva integruese ndaloi, zhvillimi ndaloi, shpresa ndaloi, ndërsa Kosova pësoi.

Instituti i Kosovës për Drejtësi (IKD) ka publikuar gjetjet e monitorimit të punës së Kuvendit të Kosovës për sesionin pranveror 2024.

Sipas IKD-së, Kuvendi i Republikës së Kosovës edhe në sesionin pranveror për vitin 2024 ka dështuar të përmbush rolin e tij kushtetues.

Në njoftimin për media nga IKD-ja, Kryesia e Kuvendit ka dështuar që ta propozojë në seancës plenare programin e sesionit të punës, e po ashtu edhe kalendarin e punimeve njëmujore të Kuvendit

LEXO EDHE:

IKD: Kuvendi i Kosovës edhe në sesionin pranveror për vitin 2024 ka dështuar të përmbush rolin e tij kushtetues