Kryeministri në detyrë, Albin Kurti po përfaqëson Kosovën në Samitin BE-Ballkani Perëndimor i cili po mbahet sot në Shkup.

Para fillimit të Samiti, Kurti para mediave deklaroi se ka cdoherë kënaqësi të vij në Shkup veçanërisht tani që janë pikat e përbashkëta kufitare në Han të Elezit – Bllac dhe Glloboçicë-Jazhincë, transmeton Arbresh.info.

“Ky është takimi i katërt i Planit të Rritjes së Bashkimit Evropian për Ballkanin Perëndimor. Ky takim është dashur që të mbahet në muajin mars, mirëpo u pat shtyrë për shkak të tragjedisë në Koçan të Velesit, me ç’rast unë shfrytëzoj rastin që edhe një herë t’u shpreh ngushëllimet e sinqerta familjeve të viktimave”, ka deklaruar Kurti.

“Me këtë rast ne kemi pasur një darkë paraprake mbrëmë ku kemi diskutuar për Planin e Rritjes, por për mua është çdoherë kënaqësi që të vij në Shkup sidomos tash që kemi pikat e përbashkëta të kontrollit kufitar: Han të Elezit – Bllac, e cila me 12 prill u funksionalizua, dhe Glloboçicë-Jazhincë, e cila u funksionalizu sivjet, më 28 maj”, tha Kurti.

“Të gjitha këto janë rezultat i marrëveshjeve të përbashkëta që i kemi bërë me Qeverinë Miskovski me datën 18 nëntor të vitit të kaluar në Prishtinë, në mbledhjen e përbashkët të dy qeverive tona. Është gjithmonë kënaqësi të vijë në Shkup, në këtë vend, i cili është kryeqytet i një vendi anëtar të NATO-s, por gjithashtu edhe i një vendi që bashkërisht me të gjithë shtetet e tjera të Ballkanit Perëndimor aspiron të anëtarësohet në Bashkimin Evropian”, deklaroi Kurti./Arbresh.info