Kryeministri në detyrë, Albin Kurti, tha se kërcënimet që po iu bëhen atij nuk kanë qenë të adresuara për të por për dikë tjetër, e rrjedhimisht Gjykatës Kushtetuese.

Ai gjatë vizitës në Trepçë kërkoi që Kushtetuesja të lihet e qetë, ndërsa shtoi se vetë nuk ndihet i frikësuar.

“Unë nuk frikësohem, jam në punë e detyrë përditë. Do shkoj nga këtu në Llap, do vizitoj një fabrikë të këpucëve. Për gjendjen e sigurisë nuk është se mund ta vlerësoj, janë organet kompetente dhe është siguria dhe mbrojtja e kryeministrit që e bën këtë”.

“Ata që më kanë kërcënuar nuk duhet ta kenë pasur me mua, e kanë pasur me dikë tjetër, me Gjykatën Kushtetuese sepse duket që presidenti është në panik që po i humb rasti”.

“Nëse kushtetuta ngelet e heshtur për çështje të caktuara, presidenti nuk mund të flas për këtë. Ata me atë kërcënim që ka ardhur në adresën e kryeministrit e kanë ditur që me mua nuk funksion, do ta kenë pasur me dikë tjetër”, tha Kurti para mediave./arbresh.info/