Lideri i Vetëvendosjes, Albin Kurti ka thënë se familjet që fitojnë më pak se 5 mijë euro në vit do të përfitojnë 150 euro për fëmijë.

Ai përmes një postimi në ‘Twitter’, deklaroi se nënat e papuna do të përfitojnë 250 euro në gjashtë muajt e parë të amësisë së tyre, shkruan portali arbresh.info

“Neni 50 i kushtetutës sonë i garanton mbrojtjen, kujdesin dhe mirëqenien e fëmijëve tanë. Prindërit do të kenë pushim 12-mujor të amësisë/atësisë, ndërsa nënat e papuna do të përfitojnë 250 euro në 6 muajt e parë të amësisë së tyre. Asnjë fëmijë nuk duhet të jetë i uritur apo të lihet pas dore”. Nëse një familje fiton më pak se 7 mijë euro për vit, do të përfitojnë 50 euro për një fëmijë, familjet që fitojnë më pak se 6 mijë euro në vit do të përfitojnë 100 euro për fëmijë, familjet që fitojnë më pak se 5 mijë euro në vit do të përfitojnë 150 euro për fëmijë. Të gjitha familjet do të marrin 20 euro për fëmijët nën 2 vjeç dhe 10 euro për fëmijët nga 2 deri në 6 vjet. 160 çerdhe do të happen për të mundësuar përkujdesje dhe edukim të hershme për fëmijët tanë. Ushqim falas do të ofrohet për të gjithë fëmijë nga klasa e parë deri në të pestën”, shkroi ai.

Ndryshe, Kurti ka paralajmëruar edhe reforma në arsim, ku u zotua se në mandatin e tij do të bëhen shujtat falas për të gjithë fëmijët, eliminimi i notave për klasët fillore të ulëta, kurrikulat e reja dhe edukimi dual që ndërlidh aftësimin profesional me tregun e punës /arbresh.info/