Kryetari Veseli takon strukturat partiake në Shtime dhe Lipjan

14:52 | 28 Gusht 2020
M. A.

Kryetari i Partisë Demokratike të Kosovës, Kadri Veseli, i shoqëruar nga Sekretari i Përgjithshëm, Uran Ismaili dhe Sekretari Elektoral, Betim Gjoshi, ka vizituar strukturat e partisë në Shtime dhe Lipjan.

Gjatë kësaj vizite ai ka përgëzuar punën e madhe që po bëjnë këto dy degë në zhvillimin e reformave përbrenda tyre. Kryetari Veseli theksoi edhe një herë nevojën e jashtëzakonshme për mobilizim të strukturave të PDK-së në të mirë të qytetarëve, karshi sfidave nëpër të cilat po kalon vendi.

Kryetarët e Degëve të Shtimes dhe Lipjanit, Rrahman Jakupi dhe Hyzer Rizani duke falënderuar kryetarin Veseli dhe Kryesinë Qëndrore për mbështetjen, kanë shprehur gatishmërinë dhe angazhimin e tyre të madh për realizimin e politikave partiake me interes qytetarin dhe shtetin./arbresh.info/