Kuvendi i Kosovës ka nisur interpelancën e kryeministrit Ramush Haradinaj sipas kërkesës së Grupit Parlamentar të Lëvizjes Vetëvendosje, në lidhje me reduktimet e ashpra të furnizimit me energji elektrike dhe situatën në sektorin e energjisë.

Shefi i Grupit Parlamentar të VV-së, Glauk Konjufca tha gjatë fjalës së tij se çmimi i energjisë elektrike është rritur katër herë prej vitit 2012, raporton Arbresh.info.

“Çmimi i energjisë elektrike është rritur katër herë deri tash prej vitit 2012 kjo me arsyetim të gënjeshtërt që mbulimi i kostos është i nevojshëm. Qytetarët janë duke paguar shumë shtrenjtë për çmimin e energjisë elektrike. Nuk po merret asnjë masë konkrete mbi sigurimin e prodhimit të energjisë dhe sërish ka import shumë të madh duke na shkaktuar dëme të mëdha në buxhet”, ka thënë Konjufca.

Sipas tij, gjendja me energji elektrike është alarmante./Arbresh.info