Ministri i Shëndetësisë, Arben Vitia, i shoqëruar nga Dr. Aida Rexhepi, kryesuese e Bordit Drejtues, Dr. Agreta Gashi, anëtare e Bordit dhe Dr. Narqize Arënliu- Hoxhaj, ka vizituar të premtën, Klinikën e Radiologjisë të Qendrës Klinike Universitare të Kosovës (QKUK).

Në takim me drejtoreshën e klinikës, Shkëndije Nuza dhe stafin e kësaj klinike, Ministri është informuar me punën që po bën kjo klinikë për të kryer shërbimet diagnostike radiologjike, jo vetëm për pacientët që janë të shtrirë në klinikat e QKUK-së, por në gjithë Kosovën.

Zgjerimi i kapaciteteve të shërbimeve diagnostikuese të cilat janë në fazën e fundit të funksionalizimit do të plotësojnë gamën e shërbimeve diagnostikuese dhe lehtësojnë pritjet për shërbim të mbingarkuar në veçanti për shërbimin e Rezonancës Magnetike.

Rezonanca Magnetike në Spitalin Pedriatik në QKUK, dhe në Spitalin Regjional në Peje janë në fazën përfundimtare të funksionalizimit kurse në vitin 2023 është në planifikim edhe funksionalizimi i Rezonancës Magnetike në Spitalin Regjional në Prizren.

Zgjerimi i kapaciteteve të shërbimit do të ndikojë dukshem në uljën e listave të pritjes për këto shërbime.

Ministri Vitia njekohesisht falënderoi gjithë stafin e kësaj klinike për kontributin e jashtëzakonshëm, duke theksuar se shifrat e larta të punëve të kryera flasin për punën e mirë që ka bërë stafi i kësaj klinike. /arbresh.info/