Kandidati për kryeministër nga radhët e Partisë Demokratike të Kosovës (PDK), Bedri Hamza i ka përmendur një nga një investimet që ai parasheh t’i bëj në sektorin e arsimit.

Ai premtoi rritje të pagave prej 50 për qind të pagave për mësimdhënësit, shkruan Arbresh.info.

Hamza po ashtu premtoi edhe bursa për nxënësit dhe studentët, në mënyrë që asnjë i ri të mos mbetet prapa për shkak të gjendjes ekonomike.

“I mbështes kërkesat e Sindikatës së Arsimit, sepse mbështetja e tyre është mbështetje për një shoqëri më të arsimuar dhe më të zhvilluar. Rritje të investimeve në arsim dhe paga 50% më të larta për mësimdhënësit. Digjitalizim të shkollave dhe integrim të teknologjisë në mësimdhënie.  Bursa për nxënësit dhe studentët, në mënyrë që asnjë i ri të mos mbetet prapa për shkak të gjendjes ekonomike. Politika që rikthejnë dinjitetin e mësuesit dhe e bëjnë arsimin prioritet kombëtar.”, ka shkruar ai.

“Suksesi i tyre është suksesi i Kosovës. Dhe, Kosova mundet ma mirë!”, përfundoi Hamza./Arbresh.info/