Pas pauzës është rikthyer në transmetim seanca gjyqësore në rastin e Hysni Gucatit dhe Nasim Haradinaj,

Deri tani prokuroria ka shtruar pyetje ndaj dëshmitares Zdenka Pumper, si dhe ka paraqitur prova e materiale para trupit gjykues, raporton arbresh.info

Sapo u rikthyen nga pushimi, mbrojtja e Gucatit, Jonathan Elystan Rees pati një kërkesë të veçantë për trupin gjykues.

Ai kërkoi nga trupi gjykues që Gucatit të i lejohet qëndrimi në këmbë nëse është e nevojshme për të, pasi që ka probleme me këmbën dhe ngritja e tij në këmbë ndikon në lehtësimin e dhimbjeve.

“Z, Gucati ka një problem me këmbën, për të cilën trupi gjykues është në dijeni, duke qenë se qëndron ulur për një kohë të gjatë i shkakton dhimbje dhe ndonjëherë mund të ketë nevojë që të ngrihet në këmbë dhe ta ndjek procesin në këmbë, sepse kjo ja lehtëson dhimbjen”, tha Rees.

E trupi gjykues e aprovoi këtë kërkesë,  ndërsa prokurorja, Valeria Bolici po vazhdon me intervistimin e dëshmitares, si dhe paraqitje e provave të tjera.

Hysni Gucati dhe Nasim Haradinaj po akuzohen për vepra penale kundër administrimit të drejtësisë, konkretisht për pengim të personave zyrtarë në kryerjen e detyrave zyrtare, për frikësim të dëshmitarëve, për hakmarrje dhe për shkelje të fshehtësisë së procedurës./arbresh.info/