Një akt i ndershmërisë dhe përgjegjësisë qytetare është shënuar në komunën e Klinës, ku një qytetar ka dorëzuar në polici një kuletë të humbur me para dhe dokumente personale.

Pal Berisha nga fshati Dugojevë i Klinës, më 27 maj, kishte gjetur një kuletë dhe menjëherë e kishte dorëzuar në Stacionin Policor në Klinë. Në kuletë ndodheshin 42 euro dhe disa dokumente personale që i përkisnin një personi tjetër.

Policia e Kosovës ka bërë të ditur se pas pranimit të kuletës, është arritur të identifikohet pronari i saj, i cili më pas është kontaktuar dhe ftuar në stacion për ta marrë atë. Zyrtarët policorë ia kanë kthyer kuletën së bashku me paratë dhe dokumentet e humbura.

Në një njoftim zyrtar, Policia e Kosovës ka falënderuar qytetarin Pal Berisha për veprimin e tij, duke e vlerësuar si një shembull të ndershmërisë dhe përgjegjësisë së lartë qytetare./Arbrtesh.info