Partia Socialdemokrate ka mbajtur një aksion simbolik në shenjë proteste për mos zbardhjen e vdekjes së Astrit Deharit, në ditën ku po shënohet përvjetori i pestë i vdekjes së tij në burgun e Prizrenit, shkruan arbresh.info.

Aktivistë të Partisë Socialdemokrate kanë marshuar nga Teatri Kombëtarë deri te ndërtesa e Qeverisë, ku vendosen disa pankarta me portretet e Albin Kurtit, Abulena Haxhiut, Glauk Konjufcës e Xhelal Sveçlës.

Në këto pankarta janë fjalët e të parëve të shtetit dhe institucioneve të drejtësisë, të cilët më parë kishin kërkuar drejtësinë për vrasjen e Astrit Deharit.

Frashër Krasniqi nga Partia Socialdemokrate tha se kjo Qeveri nuk është interesuar fare për zbardhjen e vdekjes së Astrit Deharit, ai tha se sot ata heshtin dhe vetëm bëjnë përkujtime.

“Sot është përvjetori i pestë i vrasjes së Astrit Deharit, edhe sot pas pesë viteve akoma  nuk ka drejtësi për Astritin. Sot në pushtet është Albin Kurti, e Albulena Haxhiu, të cilët sot po heshtin, po nëse sot do të ishte një pushtet tjetër, sot do të kishte protesta, sot nuk do të bëheshin përkujtime”, tha Krasniqi./arbresh.info/

Përqafimi i ngrohtë i Kurtit për vajzën e Astrit Deharit, kërkon drejtësi për “mbytjen e tij në burg”