Dialogu – Vuçiq takohet me Erdoganin: Ai më tha se është e rëndësishme të arrihet një zgjidhje kompromisi

Serbia's President Aleksandar Vucic listens during the opening opening of the Political Symposium at the European Forum Alpbach 2018 on August 25, 2018 in Alpbach, Austria. (Photo by HERBERT NEUBAUER / APA / AFP) / Austria OUT (Photo credit should read HERBERT NEUBAUER/AFP/Getty Images)

14:53 | 18 Shtator 2021
A Z

Presidenti i Serbisë, Aleksandar Vuçiq, është takuar sot me homologun e tij turk, Rexhep Tayyip Erdogan, në Vilën Vahdettin në Stamboll.

Vuçiq pas takimit ka thënë se kanë biseduar edhe për dialogun Kosovë-Serbi, i cili mbështetet nga Erdogan.

Ai deklaroi se me presidentin turk pos për dialogun kanë diskutuar edhe për rajonin.

“Ajo që është e rëndësishme është se presidenti turk mbështet dialogun midis Beogradit dhe Prishtinës dhe beson se është e rëndësishme të arrihet një zgjidhje kompromisi”,ka thënë Vuçiq.

Presidenti serb theksoi se ata biseduan edhe për investimet e reja turke në Serbi, duke shtuar se beson që deri në fund të vitit Erdogan do të shkojë për vizitë në Serbi, shkruan B92.