Deputeti nga rradhët e AAK-së, Muharrem Nitaj, tryezat e organizuara nga partitë politike i ka quajtur si Darka të Lamës.

“Kjo “Tryeza e partive politike” është bërë si Darka e Lamës, ku secilit i bjen të presë e të shkojë tek secili!”, ka shkruar Nitaj në facebook.

Më tej deputeti i AAK-së ka thënë se tjetër gjë nuk mund të pritet prej tryezave, sepse babëzia politike e ka vrarë arsyen, qoftë edhe për të biseduar, e lere më për tu marr vesh. “Prandaj më e mira është të mos mbahen hiç!”, ka shkruar Nitaj në facebook.

Ndryshe Lëvizja Vetëvendosje ka thirrur për të premten një tryezë ku sipas VV-së do të diskutohet për mbajtjen e zgjedhjeve të reja. Ftesa për të marrë pjesë në këtë tryezë u është dërguar të gjitha partive politike. Javë më parë LDK dhe PDK kanë thirrur tyeza më partitë e vendit ku është diskutuar për situatën politike në vend.