Çështja e mandatarit, reagon Haradinaj: Vendi të shkojë në zgjedhje të jashtëzakonshme

13:09 | 4 Nëntor 2025
Q L

Kryetari i Aleancës për Ardhmërinë e Kosovës (AAK), Ramush Haradinaj, ka reaguar lidhur me afatin kushtetues për formimin e qeverisë, duke paralajmëruar se çdo veprim jashtë normave ligjore do të përbënte shkelje të rëndë kushtetuese.

“Afati kushtetues për votimin e qeverisë përfundon nesër dhe presidentja nuk ka mandat ta mandatojë askënd pa dëshminë se kandidati i nominuar e ka shumicën e nevojshme. Shumica dëshmohet vetëm me nënshkrime të deponuara të deputetëve”, ka deklaruar Haradinaj.

Ai ka theksuar se kandidatura e dytë nga Lëvizja Vetëvendosje për formimin e qeverisë është “vetëm përpjekje për të vazhduar kapjen e institucioneve të shtetit”, duke shtuar se kjo farsë duhet të marrë fund dhe vendi të shkojë në zgjedhje të jashtëzakonshme