Ministrja e Tregtisë dhe Industrisë, Hykmete Bajrami, ka thënë se inspektimi i pikave që merren me shitjen e karburanteve në Kosovë bëhet pa paralajmërim dhe se kush nuk është i kënaqur me mënyrën se si punon dikasteri që udhëheqë ajo, është i mirëseardhur që të japë një ide më të mirë.

“Ministria e Tregtisë dhe Industrisë përmes Inspektoratit të Tregut, Agjencisë së Metrologjisë dhe Departamentit për Rregullimin e Tregut të Naftës angazhohet për çdo ditë për kontrollin e cilësisë dhe sasisë së karburanteve, pa paralajmëruar askënd”.

“Të gjitha atyre që kjo metodë nuk ju pëlqen i ftojmë që ta kryejnë punën e tyre dhe të bëjnë publike idetë e tyre nëse ata e dinë se cila do të ishte mënyra më e mirë për të siguruar cilësinë dhe sasinë e tregut të karburanteve dhe gjithashtu për të siguruar transparencë në punën e institucioneve”, ka shkruar bajrami në profilin e saj në facebook.