Kryetari i Aleancës për Ardhmërinë e Kosovës (AAK), Ramush Haradinaj është solidarizuar me familjet e të prekurve dhe popullin amerikan pas aksidentit tragjik të shembjes së urës “Francis Scott Key Bridge” në Baltimore të ShBA-së.

Haradinaj tha se në këto momente lutemi për të gjithë të prekurit nga aksidenti tragjik.

“Në këto momente lutemi për të gjithë të prekurit nga aksidenti tragjik i shembjes së urës “Francis Scott Key Bridge” në Baltimore, Merilend, ShBA. Qytetarët e Republikës së Kosovës bashkëndjejnë dhe solidarizohen me familjet e të prekurve dhe popullin amerikan nga kjo tragjedi”, ka shkruar Haradinaj, raporton Arbresh.info

Një urë në Baltimore të Shteteve të Bashkuara është shembur në orët e para të mëngjesit të së martës. Shkak për shembjen e urës Francis Scott Key është bërë goditja që ajo mori nga një anije e madhe.

Të gjitha mjetet dhe shoferët që po qarkullonin në urë në ato momente kanë përfunduar në ujë.

LEXO EDHE:

U godit nga një anije e madhe, momenti kur shembet ura në SHBA