Kryetari i Prishtinës, Shpend Ahmeti, thotë se nëse IKSHPK konstaton që është me rrëzik mbajtja e zgjedhejve, pse ka diskutim politik për këtë çështje. Sipas tij nëse nuk dëgjohet IKSHPK për këtë çështje, atëherë pse po dëgjohet rekomandimet e tjera.

“Anash krejt argumentet që vlejnë (Hipokrizia e VV, etj), IKSHP (institucioni shtetëror për të vlerësuar rrezikun e shëndetit publik) thotë se është rrezik të mbahen zgjedhjet, pse ka diskutim politik për këtë çështje. Në qoftë se ka vdekje (qoftë edhe një) kush e mban përgjegjësinë?” shkroi Ahmeti në një postim në Facebook.

Tutje i pari i kryeqytetit thotë se është në rregull që qytetarët bëjnë debate për profesionalizmin e IKSHP-së, por sipas tij Presidentja nuk e ka atë luks.

“Edhe njëherë, opozita ka të drejtë që shpërfaq hipokrizinë e VV për zgjedhjet, por kjo nuk është diskutim politik por shëndetësor. Edhe krejt me qenë kundër, Presidentja ka detyrë të mbrojë jetën e secilit qytetar.”