Aleanca e Gruas së Kosovës (AGK)ka mbajtur sot në tryezë diskutimi për politikat e zbatuara ekonomike në Kosovë, politikat fiskale dhe efektet e saj.

Profesori Musa Limani, i cili është njohës i mirë i çështjeve ekonomike, tha se fajtorë për krizën e thellë, në të cilën gjendet sot shteti i Kosovës është pikërisht diagnoza e ekonomisë, e cila ishte jo e duhur. Sipas tij, kjo ka bërë që ekonomia e Kosovës sot të ballafaqohet me probleme të shumta zhvillimore, transmeton arbresh.info.

Sipas Limanit mos profesionalizimi na ka sjell në një situatë mjaftë të rëndë në ekonomin e Kosovës.

“Kemi ministra në ministri jo të profileve adekuate siç  e kemi rastin me Ministrit Ekonomike ku kemi pas rastin e profilit të historianit, Ministrin e Drejtësisë, kimistin, tani kemi ministrin e Punëve të Brendshme, gjyqtarin” tha Limani.

Gjatë këtij diskutimi, Berat Thaçi nga Instituti GAP tha se vendimi i vitit të kaluar nga Qeveria e Kosovës për rritjen e pagave e sipas tij kjo është bërë pikërisht në për shkak të zgjedhjeve, tash këtë rritje po e paguan qytetarët e Kosovës me anë të të TVSH-së./arbresh.info.