Ka mjaftueshëm për të gjithë, por duhet të presësh në radhë për tu furnizuar me këtë ujë.

Në fshatin Vllasali të komunës së Novobërdës, ndodhet ky burim i ujit.

I veçantë, me cilësi të lartë të vërtetuar edhe nga ekspertët, ky ujë cilësohet si ujë shërues për shumë sëmundje.

Refik Rexhepi nga Gjilani që tri vite furnizohet me ujë nga ky burim.

Ai thotë se nuk mund ta ndërrojnë.

“Jemi adaptu si familjar me këtë ujë, është shumë i shëndetshëm dhe nuk mund ta ndërrojmë. Për këtë ujë kam dëgju para shumë vitesh”, ka thënë Rexhepi

Nuredin Vllasalihu  banorë i fshatit Vllasali  tregon se kohëve të fundit është shtuar interesimi për të përdorur këtë ujë.

“ Uji shërben për pijë është ujë i mirë natyral që njerëzit po e konsumojnë shumë kohen e fundit. Po ju bon hajër të sëmurëve”, u shpreh Vllasalihu.

Më shije ndryshe nga uji i zakonshëm, ky ujë buron këtu shumë shekuj më parë./arbresh.info.