Pas zhdukjes së mostrave të Astrit Deharit, pezullohen nga puna katër zyrtarë në Institutin e Mjekësisë Ligjore

18:04 | 8 Dhjetor 2022

Pas pranimit të informacionit të zhdukjes së mostrave të Astrit Deharit, në Institutin e Mjekësisë Ligjore, Komisioni Disiplinor i Institutit për Mjekësi Ligjore/ Ministria e Drejtësisë, mori vendim për pezullim nga puna të katër zyrtarëve.

Kjo u bë e ditur përmes një komunikate për media nga MD, njofton arbresh.info.

Zyrtarët e pezulluar janë:

Nardi Sheqergjiu, Toksikolog Mjekoligjor në Institutin për Mjekësi Ligjore;

Flutura Goga, Udhëheqëse e Laboratorit të Toksikologjisë në Institutin për Mjekësi Ligjore;

Anila Lakna, Teknike e Laboratorit të Toksikologjisë në Institutin për Mjekësi Ligjore;

Ilirjana Shala, Kimiste në Institutin për Mjekësi Ligjore.

Vendimi ka hyrë në fuqi me 8.12.2022./arbresh.info/

Shpërndaje në rrjete sociale