Nga reshjet e shumta të shiut gjatë ditës së sotme, qyteti i Mitrovicës është përfshirë nga vërshimet.
Në fotografitë e publikuara nga qytetarët, shihet se disa nga rrugët e kësaj komune janë mbuluar nga uji, përcjell arbresh.info.
Ndërkaq, nga vërshimet nuk ka shpëtuar as komuna e Skënderajt, për të cilën pak më parë kryetari i komunës, Fadil Nura, njoftoi se tanimë ka shpallur gjendje të jashtëzakonshme dhe ka formuar Shtabin Emergjent për përballjen me vërshimet që e kanë mbuluar atë komunë.
Gjithashtu, në Skënderaj janë mbyllur edhe shkollat për ditën e nesërme.
E në lidhje me këto vërshime në Mitrovicë dhe Skënderaj, Kompania Rajonale e Ujësjellësit “Mitrovica” ka bërë të ditur se kushtet atmosferike dhe reshjet e mëdha të shiut që po mbretërojnë tani, po ua pamundësojnë prodhimin dhe trajtimin e ujit në impiantet në Shipol dhe Balincë.
“Shprehim keqardhjen tonë të thellë për këtë situatë të pakëndshme, por niveli i lartë i turbullshmërisë nuk lejon që të vazhdojmë me prodhimin”, ka njoftuar KRU “Mitrovica”./arbresh.info/
Si të bëni gjumë të rehatshëm
Tri mënyrat më të mira për t’i larguar dhimbjet e djegies ng...
Sarr largohet nga Chelsea, kthehet në Francë për të rigjetur...
Trump: Komentet e Kamala Harris për luftën në Gaza pasqyrojn...
Kurti u uron suksese sportistëve nga Kosova që po marrin pje...
Policia e Tropojës: Kemi kërkuar helikopter për të nxjerrë t...