Kryeministri Isa Mustafa ka treguar edhe për funksionit e tij në kohën e viteve të tetëdhjetave kur Kosova në atë kohë ishte krahinë në kuadër të Jugosllavisë.

Mustafa ka thënë se për katër vjet ka ushtruar postin e kryetarit të Këshilit Ekzekutiv në komunën e Prishtinës. Në atë kohë sipas tij ka qenë 32 vjeçar ndërsa drejtorët e tij kanë qenë të moshës 26 vjeçare.

Ai tha se mburret për punën e tij në atë kohë. Mustafa po ashtu ka thënë se ka qenë edhe drejtor i Entit për Zhvillim.

Mustafa me këtë deklaratë në RTK iu përgjigjet zërave të opozitës dhe të njerëzve tjerë se ka qenë ministër në kohën e Rrahman Morinës, një gjë që Mustafa e ka mohuar.

“Nuk shoh asnjë njollë për vete në atë kohë sepse të gjithë kemi punuar për Kosovë”, ka thënë Mustafa.

Ai ka thënë se Rrahman Morinën e ka takuar vetëm tri herë në jetën  e tij.