Deputeti i Lidhjes Demokratike të Kuvendit, Armend Zemaj, përmes një postimi në facebook, ka reaguar ndaj vendimeve të Qeverisë në lidhje më shtesat.

Ish-ministri i Shëndetësisë ka shkruar se zvogëlimi i përkrahjes për personelin shëndetësorë, heronjtë e ditëve tona, tregon fytyrën e vërtetë të Qeverisë, raporton arbresh.info

Postimi i plotë:

Pas një viti në vijën e parë të betejës me virusin vdekjeprurës, një vit plot rreziqe e sakrificë, pa gjumë e pa familje, pa pushime e pa festa, shteti ynë, heronjtë e vet, në vend se t’i shpërblej, ua shkurton shtesat e merituara.

Zvogëlimi i përkrahjes për personelin shëndetësorë, heronjtë e ditëve tona, tregon fytyrën e vërtetë të Qeverisë ndaj më meritorëve. Hap prapa në shëndetësi, sikur të çdo ditë të kësaj Qeverie./arbresh.info/