Një studim i ri tregon se vaksina e Pfizer kundër koronavirusit mund të jetë efektive edhe ndaj variantëve të ri të koronavirusit të detektuar në Afrikën Jugore dhe në Mbretërinë e Bashkuar.

Të dy viruset kanë të përbashkët një mutacion të njohur si N501Y për të cilin shkencëtarët shqetësohen se mund të lejojë virusin të shmangë mbrojtjen imune të gjeneruar nga një vaksinën.

Studiuesit bënë një version të virusit në laborator që bart mutacionin. Ata e testuan atë kundër gjakut të marrë nga 20 persona që kishin marrë dy doza të vaksinës Pfizer si pjesë e një studimi klinik. Në hulumtimet e postuara në internet të enjten, ata thanë se nuk gjetën “asnjë ulje të aktivitetit të neutralizimit” kundër virusit të mutuar, transmeton arbresh.info

Mutacioni N501Y duket se ndihmon virusin të bashkohet me qelizat njerëzore, gjë që mund të shpjegojë pjesërisht pse këto lloje të reja duket se janë më të transmetueshme. Por është vetëm një nga shumë mutacione në të dy llojet që shkencëtarët kanë shqetësuar se mund ta bëjnë virusin më pak të ndjeshëm ndaj vaksinave ose trajtimeve, shkruan CNN./arbresh.info/