Kryeministri grek, Aleksis Tsipras, gjatë një vizite në Beograd, ka shprehur shqetësimin e tij për rritjen e nacionalizmit dhe racizmit në Evropë.

“Ne jemi të shqetësuar për rritjen e partive nacionaliste dhe raciste në Evropë, pasi kjo ndikon në kompetencat politike dhe në pushtetin e tanishëm në Evropë. Evropa ka ngelur në një udhëkryq dhe duke e marrë parasysh procesin e zgjedhjeve kritike, të gjithë duhet të kuptojmë se interes  i Evropës nuk janë politikat afatshkurte”, tha ai para gazetarëve në Beograd, transmeton arbresh.info.

Partitë e ekstremit të djathtë janë në rritje në Evropë, pasi një numër i madh i emigrantëve kanë vërshuar kontinentin. Parti të tilla tashmë janë zgjedhur në organet legjislative në Danimarkë, Finlandë, Norvegji dhe Suedi. Në Gjermani, Alternativës fuer Deutschland (AFD), partia e ekstremit të djathtë ka hyrë në disa parlamente lokale dhe mund të zgjidhen në Bundestag në zgjedhjet parlamentare të 2017. Në Francë, një ndër favoritët  për postin e Presidentit është Marine Le Pen./Arbresh.info