Presidenti amerikan, Donald  Trump ka deklaruar se ai do të testohet çdo ditë për koronavirus, pasi ndihmësi i tij personal doli pozitiv.

Ai tha se është e gabuar të përdoret testimi vetëm për të përcaktuar sigurinë, raporton CNN, transmeton portal arbresh.info

“Çfarë ndodh prej kohës së testimit dhe disa ditë më vonë”, pyeti Trump, duke theksuar se njeriu mund të infektohet edhe pasi është testuar.

Trump theksoi se kanë kaluar vetëm pak ditë nga koha që kur është testuar asistenti i tij, i cili së fundmi doli pozitiv me Covid-19.

Trump tha se ai kishte “shumë pak kontakte personale” me ndihmësin e infektuar.

Ai e përshkroi situatën si “disi të pazakontë”.

Covid-19 përpos që ka prekur një numër të madh njerëzish, ka dëmtuar rëndë edhe ekonominë amerikanë, pasi së fundmi është raportuar se rreth 33 milionë amerikanë kanë mbetur pa punë si pasojë e pandemisë./arbresh.info/